|
Хятадад айлчилж байгаа Канадын ерөнхий
сайд Стифен Харпер 3-ны өдөр хэлэхдээ, Канад Хятадын харилцааны хөгжил шинэ
гараанд хүрч, шинэ цаг үед орлоо гэжээ.
Синьхуа хорооны мэдээлснээс үзвэл, 3-ны орой хийлгэсэн хэвлэлийн бага хурал
дээр Стифен Харпер хэлэхдээ, Хятадад айлчлах хугацаандаа Хятадын удирдах
хүмүүстэй хоёр орны харилцааны асуудлаар идэвхтэй үнэнч, алсын харцтай хэлэлцээ
хийсэн гэжээ. Хоёр талын гарын үсэг зурсан багц баримт бичиг бол маш
"чухал" юм гэж Стифен Харпер үнэлсэн байна. Канадыг Хятад иргэдийн
гадаадад жуулчлах зорилт болгохоор Хятадын тал мэдэгдсэн талаар Стифен Харпер
хэлэхдээ, энэ нь хоёр талын харилцаанд тус дөхөм үзүүлэх том бодит алхам мөн
гэж үзнэ гэжээ.
Тэрээр хэлэхдээ, ирэх 6-р сард 20-ын удирдах
хүмүүсийн дээд уулзалт Канадад болно. Тэр үеэр Хятад улсын дарга Хү Жиньтао
Канадад айлчлахыг хүсэн хүлээж байна гэжээ. Хятадын удирдах хүмүүс Канадад олон
айлчлахыг сайшаана. Хоёр талын тогтмол хугацааны айлчлал нь маш ач холбогдолтой
юм гэж тэрээр мөн илэрхийлсэн байна.
Хятад
улсын Дарга Хү Жиньтао 1-ний өдөр Бээжинд Европын Холбооны даргалагч
орон-Шведын Ерөнхий сайд Фредрик Рейнфелдт болон Европын Холбооны комиссын
дарга Жосе Мануэл Барросотой уулзахдаа, Хятадын Засгийн газар Европтой харилцаа
хөгжүүлэх явдлыг Хятадын дипломат харилцааны тэргүүлэх чиглэлүүдийн нэг
болгосоор ирсэн, Хятад-Европын харилцааг нэн өндөр төвшинд дэвшүүлэн
хөгжүүлэхийн тулд Европын талтай хамтаар хүчин чармайлт гарган ажиллахад
Хятадын тал бэлэн байна гэжээ.
| 
Ulaanbaatar Time
Chinese Yuan Renminbi Exchange Rate