Хятадын худалдааны яамны сайдын туслах
ноён Ван чао 7-ны өдөр Бээжинд хэлэхдээ, Ирэх 5 жилд Хятад Америкийн худалдааны
хэмжээ 500 тэрбум ам.доллараас давах бололцоо бүрэн байгаа юм гэжээ.
Тус
өдөр болсон Хятад Америкийн худалдааны танхимын хамтын ажиллагаа хөгжлийн
чуулга уулзалт дээр Ван чао танилцуулахдаа, Хятад Америкийн худалдаа 1979 онд 2
тэрбум 500 сая ам.доллар байснаас 2008 он гэхэд 330 тэрбум ам.долларт хүрчээ,
энэ нь жил бүр дунджаар 18 хувийн хурдаар өссөн үзүүлэлт юм.
Өнөөдрийн байдлаар, Хятад Америк хоёр орон тус тусын хоёр дах том худалдааны
түнш бөгөөд Хятад улс Америкт экспортлогч гурав дах том орон болсон байна.
Худалдаа ирмүүн хөгжихийн хэрээр хоёр орны харилцан хөрөнгө оруулалт мөн түргэн
өргөжиж байна гэжээ.
Ван чао үүний зэрэгцээ цохон тэмдэглэхдээ, Хятад Америк хоёр орны засгийн газар
болон аж ахуйн нэгжүүд хамтын ажиллагаагаа гүнзгийрүүлж, хямралын сүүлийн үе
шатны өрсөлдөөн сорилтыг нааштай зохицуулж, нээлттэй чөлөөт худалдааны үзэл
санааг баримталж, хоёр орны эдийн засаг худалдааны салбар дахь хамтын ашиг
сонирхлын хүрээг тэлэх хэрэгтэй юм гэсэн байна.
|