Хятад улсад А хэлбэрийн H1N1 томууны вакцин тарьсны дараа нас барсан тохиолдол 4 гарлаа гэж мэдэгдсэн байна.
Синьхуа хорооны мэдээлснээр, цогцост шалгалт хийсэн бөгөөд нас барсан 4 хүний гурав нь вакцин тарьсантай холбоогүй, нөгөө нэгд нь эцсийн дүгнэлт гаргаагүй байна гэж Хятадын Эрүүл мэндийн онц байдлын албаны дарга Лян Ваньнянь 1-ний өдөр мэдэгдэв.
11-р сарын 29-ний өдрийн байдлаар, Хятадад вакцинд хамрагдсан хүний нийт тоо 26 сая 250 мянгад хүрсэн байна. Хятад улсад одоог хүртэл А хэлбэрийн H1N1 томууны халдвараар оношлогдсон тохиолдол нийт 90 мянгад хүрч үүнээс 70 мянга нь эдгэрсэн ба нас барсан тохиолдол 178-д хүрсэн байна.